Bakı, 14 may, AZƏRTAC
Milli Basketbol Assosiyasiyasında (NBA) pley-off mərhələsinin oyunları davam edir.
AZƏRTAC xəbər verir ki, “Oklahoma Siti Tunder” və “Dallas Maveriks” komandaları üz-üzə gəliblər. Birincilər 14 xal geri düşməsinə baxmayaraq, rəqibini 100:96 hesabı ilə məğlub edərək seriyanı bərabərləşdiriblər – 2:2. Oklahoma təmsilçisinin heyətində Şai Gilqeous-Aleksandr 34 xal, 8 ribaund və 5 məhsuldar ötürmə ilə çıxış edib.
Digər oyunda “Boston Seltiks” “Kleveland Kavailers”ə 109:102 hesabı ilə qalib gələrək seriyada 3:1 hesablı üstünlük əldə edib. Qalib komandanın heyətində Ceyson Tatum 33 xal, 11 ribaund və 5 məhsuldar ötürmə ilə yadda qalıb.
