İrəvanda keçirilən etiraz aksiyaları zamanı ASALA terrorçusu, Türkiyə konsulunun qətlinə görə 40 il ABŞ həbsxanasında yatan Hampiq Sasunyan erməni polisi tərəfindən saxlanılıb.
Bununla bağlı Ermənistan “Telegram” kanallarında videogörüntülər yayılıb.
“Erməni soyqırımı məsələsində ədalət mübarizləri” təşkilatının üzvü Hampiq Sasunyan Azərbaycanla sərhədlərin delimitasiyasına qarşı çıxanların sırasına qatılıb.
Qeyd edək ki, Hampiq Sasunyan 1982-ci il yanvarın 28-də Türkiyənin Los-Ancelesdəki baş konsulu Kamal Arıkanı qətlə yetirib, 2021-ci ilin oktyabrında isə azadlığa buraxılaraq İrəvana qayıdıb.
