Ukraynanın ABŞ-ın Vyetnam müharibəsində istifadə etdiyi taktikanı Rusiya cəbhəsində tətbiq etdiyi iddia olunur.
Hafta.az-ın “Business İnsider”ə istinadən yazdığına görə, Ukrayna pilotlarının Vyetnam müharibəsində ABŞ ordusunun Rusiya hava hücumundan müdafiə sistemlərinə qarşı istifadə etdiyi “Wild Weasel” taktikasından istifadə etdiyini yazıb.
Hollandiyadakı Haaqa Strateji Araşdırmalar Mərkəzindən analitik Frederik Mertens bildirib ki, Ukrayna qırıcı pilotları bu strategiya ilə Rusiyanın hava hücumundan müdafiə sistemlərinin yerini müəyyən etməyə imkan verib.
1955-1975-ci illər arasında Vyetnam müharibəsində ABŞ Hərbi Hava Qüvvələrinin həyata keçirdiyi strategiyada pilotlar özlərini yem kimi istifadə edirdilər. "Project Ferret" adlanan bu taktikada pilotlar düşmən radarının aşkar edəcəyi yüksəkliklərdə uçurlar. Bu yolla radar dalğalarının mənbəyini aşkarlamaq mümkün olur. Daha sonra radarların qoşulduğu hava hücumundan müdafiə sistemlərinin yeri müəyyənləşdirilir və bu nöqtələrə hücumlar həyata keçirilir.
Qərargah radar dalğaları sayəsində hava hücumundan müdafiə sistemlərinin yerini müəyyən etdikdə, döyüş təyyarələri düşmən hücuma keçməmiş bu raketləri vuraraq hədəfləri susdurmağa çalışır. Bu tapşırığı yerinə yetirmək üçün yem kimi istifadə edilən pilotların "ferrets" adlandırıldığını bildirən Mertens strategiyanın "çox təhlükəli" olduğunu bildirib.
Ukrayna Hərbi Hava Qüvvələrinin əsas məqsədinin Rusiya hava hücumundan müdafiə sistemlərini məhv etmək olduğunu bildirən strateq pilotların bu taktikadan kənara çıxdığını və lazım gəldikdə “əllərində olan bütün silah, əsgər və sursatla hədəflərə hücum etdiyini” bildirib.
Digər tərəfdən, Rusiya prezidenti Vladimir Putinin 24 fevral 2022-ci il tarixli sərəncamı ilə başlayan müharibədə Moskva xüsusilə son zamanlar Ukraynanın Xarkov vilayətində əməliyyatları intensivləşdirib.
Rusiya “Kinjal” hipersəs raket sistemləri və pilotsuz təyyarələrlə Ukraynaya hücum edərkən, enerji obyektlərini və dəmir yolu infrastrukturunu, eləcə də hərbi əraziləri hədəfə alır. Kremlin açıqladığı məlumatlara görə, Rusiya ordusu ötən həftə Xarkov vilayətində 11, Donetsk vilayətində 3 olmaqla ümumilikdə 14 yaşayış məntəqəsini nəzarətə götürüb.
Kiyev administrasiyası intensiv hücumlar səbəbindən ən azı 4 min dinc sakinin Xarkovdan təxliyə edildiyini bildirib.
“Wall Street Journal”ın yazdığına görə, Ukraynanın hava hücumundan müdafiə sistemləri hücumları dayandırmaq üçün kifayət etmir. Son 6 ayda Ukrayna Rusiya raketlərinin təxminən 46 faizini zərərsizləşdirib.
