Avropa Liqasının finalına hakim təyinatları açıqlanıb.
Sportinfo.az UEFA-nın saytına istinadən xəbər verir ki, turnirin həlledici “Atalanta” – “Bayer” oyununu İştvan Kovaçın rəhbərlik etdiyi rumıniyalı hakimlər briqadası idarə edəcək.
Köməkçi hakimlər Vasile Florin Marinesku, Mihai Ovidiu Artene (hər ikisi Rumıniya), 4-cü hakim İvan Krujlyak (Slovakiya) olacaq.
Avropa Liqasının 2023/2024 mövsümünün finalı mayın 22-də Dublində (İrlandiya) keçiriləcək. Görüş Bakı vaxtı ilə saat 23:00-da başlayacaq.
