“Liverpul” “Nyukasl”ın hücumameyilli yarımmüdafiəçisi Antoni Qordonu transfer etməyi düşünür.
Publika.az xəbər verir ki, “Liverpul” 23 yaşlı vinger üçün 100 milyon funt-sterlinq təklif etməyə hazırdır. Bu barədə “Daily Express” məlumat yayıb.
Mənbə qeyd edir ki, Qordon satılarsa, “sağsağanlar” çox güman ki, “Arsenal”ın heyətinə qatmaqda maraqlı olduğu Alexander Isakı komandada saxlamağa çalışacaqlar.
“Transfermarkt” Qordonun dəyərini 50 milyon avro olaraq qiymətləndirir. O, bu mövsüm İngiltərə Premyer Liqasında 34 oyun keçirib, 10 qol vurub və 10 məhsuldar ötürmə edib.