Avropa İnvestisiya Bankı ikili təyinatlı məhsulları maliyyələşdirməklə Avropaya müdafiə sektorunu inkişaf etdirməyə kömək edəcək.
"Operativ Media" xəbər verir ki, bunu Avropa İnvestisiya Bankının prezidenti Nadia Kalvinyo "Bloomberg" agentliyinə müsahibəsində bildirib.
"Biz təhlükəsizlik və müdafiə sahəsində Avropa sənayesinə dəstəyimizi gücləndirməliyik. Bu sahədə imkanlarımızı gücləndirməliyik. Avropa İnvestisiya Bankı öz rolunu oynamağa hazırdır", - Kalvinyo bildirib.
Martın 18-də "Financial Times" yazıb ki, Almaniya, Fransa və İtaliya da daxil olmaqla 14 Aİ ölkəsinin liderləri cəmiyyətin müdafiə qabiliyyətini gücləndirmək üçün silahlara sərmayə yatırılmasına icazə vermək üçün Avropa İnvestisiya Bankının kredit siyasətinin qaydalarının dəyişdirilməsini müdafiə ediblər.