"Mançester Yunayted" mayın 20-nə planlaşdırılan komandanın şam yeməyini ləğv etmək qərarına gəlib.
Publika.az xəbər verir ki, bu qərara komandanın niderlandlı mütəxəssis Erik ten Haqın rəhbərliyi altında Premyer Liqada uğursuz çıxış etməsi səbəb olub.
2023/2024 mövsümü "Mançester Yunayted" üçün mayın 25-də başa çatacaq. Həmin gün İngiltərə Kubokunun final matçı baş tutacaq. "Yunayted" "Uembli"də "Mançester Siti" ilə qarşılaşacaq.
İngiltərə Premyer Liqasınıda"Mançester Yunayted" 54 xalla 8-ci yerdədir. Mayın 15-də “qırmızı şeytanlar” doğma meydanda “Nyukasl”ı qəbul edəcək, dörd gün sonra isə səfərdə “Brayton”la qarşılaşacaq.