Fransa Qərb qoşunlarının Ukraynaya mümkün göndərilməsinə açıq olan ölkələr qrupu yaradır.
Bu barədə “Politico” mənbələrə istinadən yazıb.
Nəşr qeyd edir ki, Parisin hərəkətləri “daha ehtiyatlı Berlin”lə fikir ayrılıqlarını dərinləşdirməyə davam edir.
“Politico” xatırladıb ki, Almaniya, Çexiya və Polşa da daxil olmaqla bir çox Avropa ölkəsi Fransa prezidenti Emmanuel Makronun belə bir perspektivi istisna etməməsindən sonra Ukraynaya qoşun göndərmək planlarının olmadığını bildirib. Nəşr qeyd edir ki, Estoniya, Litva və Latviya ideyaya daha açıqdır, Polşa isə mövqeyini dəyişir.
Polşanın xarici işlər naziri martın əvvəlində demişdi ki, Ukraynada NATO qüvvələrinin olması ağlasığmaz deyil. Litvanın xarici işlər naziri Qabrielius Landsberqis çox müsbət qiymətləndirməyə sahib olduğunu və başlanmış müzakirəni təşviq etdiyini bildirib. Estoniyanın baş naziri Kaya Kallas hesab edir ki, Ukraynaya qoşun göndərilməsi müdafiə hərəkəti kimi qiymətləndirilə bilər.
