Azərbaycan çempionatının I Liqasında VAR sistemi tətbiq olunacaq.
İdman.biz xəbər verir ki, bunu PFL-in mətbuat xidməti açıqlayıb.
Qurum XXVI turun “Qaradağ Lökbatan” – “Şamaxı” görüşündə VAR-dan istifadə olunması barədə qərar verib. Buna səbəb matçın çempionluq yolunda böyük əhəmiyyət kəsb etməsidir.
Mayın 16-da keçiriləcək qarşılaşma həm də “CBC Sport” telekanalında canlı yayımlanacaq. Liderlərin qarşılaşması saat 17:00-da başlayacaq.
Qeyd edək ki, Azərbaycan çempionatları tarixində ilk dəfə I Liqada VAR-dan zərurət yarandığı üçün istifadə olunacaq. İndiyədək aşağı dəstədə yalnız bir dəfə bu sistem tətbiq edilib. Amma ötən mövsümün “Səbail-2” – MOİK matçında məqsəd VAR hakimlərinin sertifikat alması olub.
İdman.biz
