Qazaxıstanın Almatı vilayətində sərxoş sürücü ölümlə nəticələnən yol qəzasına səbəb olub. Avtosfer.az yerli KİV-ə istinadən xəbər verir ki, hadisə mayın 12-də Almatı-Jetigen avtomobil yolunun 32 km-də qeydə alınıb. Bu barədə region üzrə yol polis idarəsindən məlumat verilib.
Məlumata görə, polisin “Saxla” əmrinə tabe olmayan sürücü, idarə etdiyi "ZİL-131" maraklı yük avtomobili ilə təqibdən qaçan zaman sürətlə sərnişnilərin olduğu avtobus dayanacağına çırpılıb.
Nəticədə 2 nəfər ölüb, daha 3 nəfər isə xəsarət alıb.
Bildirilir ki, sürücü tibbi müayindən keçib və onun sərxoş olduğu müəyyən olunub.
Faktla bağlı cinayət işi açılıb, araşdırma aparılır.
Namiq Musayev
