Sabiq futbolçu qəzaya düşdü

Ticani Babangida və ailəsi arzuolunmaz vəziyyətə düşüb.

“Football-plus.az” xəbər verir ki, nigeriyalılar qəza keçiriblər.

Nigeriya yığmasının sabiq oyunçusu olan Babangida ailəsi ilə birgə vətənində qəzaya düşüb. Qəza nəticəsində onun kiçik qardaşı həlak olub. Ticani isə ağır xəsarət alaraq xəstəxanalıq olub. Sabiq futbolçunun həyat yoldaşı və qızı da xəstəxanaya yerləşdirilib.

Xatırladaq ki, Babangida Nigeriya yığmasında 1994-2004-cü illərdə 36 oyuna çıxıb, 5 qol vurub. Sabiq hücumçu Avropada əsasən “Ayaks”dakı (1996-2000) çıxışı ilə yadda qalıb.