İş yerində təhlükəli kimyəvi maddələrə məruz qalma yanğınsöndürənlərdə prostat xərçəngi riskini artıra bilər. Arizona və Miçiqan Universitetlərindəki İctimai Sağlamlıq Kollecinin yanğınsöndürmə xidməti tərəfdaşları ilə birgə xüsusi layihə çərçivəsində apardığı yeni araşdırmanın nəticəsi belədir.
Aztibb.az xəbər verir ki, tədqiqatın nəticələri “Environmental and Molecular Mutogenesis” (EMM) jurnalında dərc olunub.
Kişilərdə prostat xərçəngi ən çox rast gəlinən xərçəngdir. Eyni zamanda, yanğınsöndürənlər bu xəstəliklə ölkə üzrə orta göstəricidən 1,21 dəfə tez-tez rast gəlinir. Alimlər bunun yanğınsöndürən köpükün tərkibində olan və onların kostyumlarına hopdurulmuş zərərli maddələrlə bağlı olduğunu fərz ediblər.
Onlardan bəziləri epigenetik modifikasiya yolu ilə gen ifadəsinə təsir göstərir. Epigenetika davranışımızın və ətraf mühitimizin genlərimizin necə işləməsinə necə təsir etdiyini öyrənən genetikanın bir sahəsidir. Genetik dəyişikliklərdən fərqli olaraq, epigenetik dəyişikliklər geri çevrilir. Ancaq vaxtında dayandırılmadıqda, xərçəngə səbəb ola bilərlər.
Tədqiqatçılar təcrübəli yanğınsöndürənlərin yeni başlayan yanğınsöndürənlərdən fərqli olaraq prostat xərçəngi ilə əlaqəli fərqli epigenetik dəyişikliklərə malik olduğunu aşkar ediblər. Yəni kimyəvi maddələrə məruz qalma kumulyativ təsir göstərir.
- Gecə Modu
- Ana səhifə
- İstifadəçilər
- Səhifələr
- Reytinq
- Hava
- Valyuta
