“Espanyol”dan icarə əsasında komandada çıxış edən “Real”ın hücumçusu Xoselu bildirib ki, Madrid klubunun rəhbərliyi 2023/24 mövsümü başa çatdıqdan sonra onu satın almağı düşünəcək.
Sportinfo.az “Marca”-ya istinadən xəbər verir ki, ispan futbolçu arzusunun gerçəkləşdiyini bildirib:
“Hər şeyə mövsümün sonunda qərar verəcəyik, amma indi mənim arzum sözün əsl mənasında gerçəkləşir. “Real” naminə hər şeyimi verməyə hazıram”.
“Transfermarkt” portalı futbolçunun dəyərini 5 milyon avro qiymətləndirir. “Real”ın Xoselunu 1,5 milyon avroya almaq imkanı var.
