Azərbaycan Respublikasının Qeyri Hökumət Təşkilatlarına Dövlət Dəstəyi Agentliyinin “Qərbi Azərbaycanın Şirin İnciləri” Qrant Layihəsi çərçivəsində XANƏDAN Etno restoranında ustad dərsləri keçirildi. Tədbirdə Respublikamızın Təhsil müəssisələri arasında keçirilmiş müsabiqənın iştirakçıları - Bakı Humanitar Kolleci, Azərbaycan Dövlət Mədəniyyət və İncəsənət Universitetinin bir qrup tələbəsi və müəllimləri iştirak etdilər. Burada tələbələrin müsabiqəyə hazırlayacaqları şirniyyatların hazırlanma texnologiyaları, tarixi, etnoqrafiyası, linqvistikası və s. haqqında məlumatlar verildi.
Qeyd edək ki, layihə çərçivəsində növbənöv təamları və şirniyyatları hazırlamaq üçün restoranın mətbəxində tələbələr üçün iş şəraiti də yaradılıb.
Müsabiqədə tələbələr Qərbi Azərbaycan Şirniyyatlarını hazırlayacaq, həmin məhsullar haqqında geniş tarixi etnoqrafik məlumat verəcəklər.
Bu, Qərbi Azərbaycanın mətbəx vasitəsiylə tanıdılması, mədəniyyətimizin ən vacib parçasının - bölgə mətbəximizin assimilyasiyadan qorunması məqsədini güdür.
Layihəyə Assosiasiyanın hazırlayıb ərsəyə gətirdiyi “Qərbi Azərbaycanın şirin inciləri” kitabı da daxildir.
FİDAN
XQ