Sürətli yemək yemək aclığı yatıran hormonların, məsələn, qlükaqona bənzər peptid 1 (GLP-1) istehsalına mənfi təsir göstərir. Həmçinin, tələsik yemək qan şəkərində arzuolunmaz artımlara səbəb olur.
Redaktor.az xəbər verir ki, bu barədə "Daily Mail"ə britaniyalı həkim Maykl Mosli bildirib.
Həkimin fikrincə, daha yavaş yemək orqanizmə beynə tox olduğunu söyləmək üçün daha çox vaxt verir. Qidanın mədədən GLP-1 hormonunu ifraz edən reseptorların yerləşdiyi nazik bağırsağa keçməsi təxminən 30-40 dəqiqə çəkir. Aclığın doyduğunu beynə “deyən” odur. Çox tez yeyirsinizsə, artıq kalorilər siz toxluq hiss etməmişdən əvvəl udulacaq. Bu səbəbdən tələsik yemək uzun müddətdə çəki artımına səbəb ola bilər.
Bundan əlavə, tez yemək yeyən insanlarda qan şəkərinin konsentrasiyasında kəskin artım müşahidə oluna bilər. Qlükoza səviyyəsinin artması bədənin qida qəbuluna normal reaksiyasıdır, lakin ölçülmüş doyma ilə bu proses daha uzun çəkir. Şəkərin vahid azalması və artması diabet və metabolik pozğunluqların inkişafının qarşısını almağa kömək edir.
Turan İSMAYIL