Ultra emal olunmuş qida və içkilərin (soda, çips, "fast food", hazır yeməklər, peçenye) istehlakı ömrü qısaldır, həm də görünüşü pisləşdirir. Belə qidalar baş dərisindəki yağ bezlərinin fəaliyyətini artırır, saçda yağlılığın artmasına səbəb olur.
Redaktor.az xəbər verir ki, bu barədə “Daily Mail” ABŞ və Böyük Britaniya alimlərinin araşdırmalarına istinadən yazır.
Kembric Universitetinin alimləri tədqiqatda iştirak etmək üçün təxminən 115 min sağlam yetkin amerikalı kişi və qadını işə cəlb ediblər. İştirakçıların qida qəbulu haqqında məlumat əldə etdikdən sonra 30 il davam edən müşahidə dövrü başlayıb. Bitdikdən sonra tədqiqatçılar işlənmiş qidalar, dondurma, cips, peçenye, "fast food" və sousları həddindən artıq istehlak edənlərin vaxtından əvvəl ölmə riskinin daha yüksək olduğunu müəyyən ediblər
Britaniya alimləri də oxşar nəticələrə gəliblər. Onlar həmçinin aşkar ediblər ki, çox işlənmiş qidalar yemək görünüşünüzə mənfi təsir göstərə bilər. Belə məhsullar tez-tez çoxlu şəkər və yağ ehtiva edir ki, bu da yağ bezlərinin həddindən artıq fəaliyyətinə səbəb ola bilər. Bu da öz növbəsində baş dərisinin yağlılığını artırır. Həddindən artıq sebum istehsalı qaşınma və qıcıqlanma kimi simptomlarla müşayiət oluna bilər.
Turan İSMAYIL
