- Gecə Modu
- Ana səhifə
- İstifadəçilər
- Səhifələr
- Reytinq
- Hava
- Valyuta
“Neftçi”nin məşqçisi Saşa Petroviç Misli Premyer Liqasının “Kəpəz” klubu ilə 34-cü tur oyunundan (5:1) sonra keçirilən mətbuat konfransında fikirlərini jurnalistlərin suallarını cavablandırıb.
- İlk hissədə yaxşı çıxış etdik, ikinci hissədə lap yaxşı oyun oldu. Oyunçular xarakter göstərdi. İlk qoldan sonra “Neftçi” adına layiq oyun oldu.
– Qeyd etdiniz ki, oyunçular bu gün xarakter göstərdi. Keçən oyunda məğlub oldunuz. Onda xarakter göstərmək olmazdımı?
– Çətin sualdır. “Qarabağ” bizdən daha yaxşı komandadır. 4 aydır burada çalışırıq. İndi irəli baxmalıyıq. Bilirik hansı istiqamətdə işləməliyik. Məncə, “Qarabağ”la oyunu unudub, gələcəyə baxmaq lazımdır.
– Miodraq Bojoviçin yeri nə dərəcədə görünürdü?
– Baş məşqçinin olmamağı təbii bir şeydir. Hər şey qaydasındadır. Nəticə bunun göstəricisidir.
– Emin Mahmudov növbəti oyunlarda olacaq?
– Eminin olmaması çatışmazlıqdır. Bu sual baş məşqçiyə ünvanlanmalıdır. Bizi vacib iki oyun gözləyir. Onda qərar veriləcək.
– “Neftçi”nin neçə faizini dəyişmək lazımdır ki, “Qarabağ”a qarşı yaxşı çıxış edə bilsin?
– Çətin sualdır. İnanırıq ki, qalsaq, komanda güclənəcək. Qış transfer pəncərəsində oyunçu cəlb etmək çətin olur. Yayda inanıram ki, yaxşı olacaq. Gələcəyə nikbin baxıram. Yens Andersson bu yöndə işlərə başlayıb.
– Melanonun çıxışı sizi nə dərəcədə qane etdi?
– Meydanda az oldu. Məşqlərdə ciddi şəkildə çıxış edir. Ona görə də meydana buraxmaq lazımdır.
– Sosial şəbəkələrdə yazırlar ki, komanda avrokuboklara getməsə, daha yaxşı olar. Avrokuboklara vəsiqə qazansanız, qısa müddətə normal heyət formalaşdırmaq mümkün olacaq?
– Məncə, bacaracağıq. Avrokuboklarda çıxış təcrübə deməkdir. Hər oyundan sonra daha yaxşı çıxış etməyə çalışırıq.
– Digər komandaların avrokubok şanslarını necə qiymətləndirirsiniz?
– Yalnız öz komandamı düşünürəm. Digər rəqiblər barədə fikirləşmirəm.
Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.