G7 Ukraynadakı müharibə cinayətlərinin araşdırılmasını dəstəkləyir
ABŞ, Almaniya, Fransa, İngiltərə, İtaliya, Kanada və Yaponiyadan ibarət G7 ölkələrinin ədliyyə nazirləri Rusiya-Ukrayna müharibəsində Ukraynaya qarşı törədilmiş beynəlxalq cinayətlərə görə məsuliyyətin təmin edilməsinə yönəlmiş təhqiqat və təqibləri dəstəkləməkdə qərarlı olduqlarını açıqlayıblar.
Venesiyada G7-nin Dövriyyə Prezidenti İtaliyanın ev sahibliyi etdiyi iki günlük görüşdən sonra yekun bəyannamə qəbul edilib.
Bəyanatda Rusiyanın Ukraynaya qarşı müharibəsinin ən kəskin şəkildə pisləndiyi bildirilib, Rusiyaya qarşı sanksiyaları və digər məhdudlaşdırıcı tədbirləri pozaraq bu ölkəyə qeyri-qanuni maliyyə və mal verənlərin məsuliyyətə cəlb edilməsi də daxil olmaqla, müvafiq qanunların icrası öhdəliyi bir daha vurğulanıb.
Bəyanatda Ukraynanın Rusiyadan təzminat almasına kömək etmək üçün bütün yolların araşdırılmasının davam etdiyi və aprelin 19-da G7 xarici işlər nazirlərinin təsdiq etdiyi kimi dondurulmuş Rusiya aktivlərinin Ukraynaya dəstək üçün istifadə oluna biləcəyi bütün mümkün yolları və mümkün variantları öyrənməyə davam edəcəkləri qeyd edilib.
