“Neftçi” “Kəpəz”i darmadağın etdi

Bu gün futbol üzrə Azərbaycan Premyer Liqasında XXXIV turun görüşlərinə start verilib.

Publika.az xəbər verir ki, ilk oyun günü “Neftçi” və “Kəpəz” kollektivləri üz-üzə gəlib.

“Neftçi Arena”da baş tutan matçda meydan sahibləri 5:1 hesabı ilə qələbə qazanıb.

Qarşılaşmada hesabı 36-cı dəqiqədə qonaqlardan Latir Fal açıb. Fasiləyə bir dəqiqə qalmış Andre Şinyaşiki, 45 + 2-ci dəqiqədə isə Brayan Morenonun qolları paytaxt təmsilçisini hesabda önə çıxarıb. 47 və 76-cı dəqiqələrdə daha iki dəfə fərqlənən Şinyaşiki het-trik edib. Görüşdə yekun hesabı isə 86-cı dəqiqədə “sarı-göylər”in qapısına yol tapan Ağadadaş Salyanskiy təyin edib.