"Bu, qəhrəmancasına çıxış idi"

"Roma"nın baş məşqçisi Daniele De Rossi komandanı Avropa Liqasının yarımfinalında "Bayer"lə cavab oyununda göstərdikləri oyuna görə qiymətləndirib.

Offsideplus.az xəbər verir ki, bu barədə o, “Football İtalia”ya açıqlama verib:

“Bu, qəhrəmancasına çıxış idi, lakin "Bayer" həqiqətən güclü komandadır. Düşünürəm ki, hər iki oyunda yaxşı oynadıq, amma qapıya kifayət qədər zərbələrimiz olmadı və bəzən bu fərqi yarada bilər, amma oğlanlar inanılmaz idi.

Cəmi iki gün əvvəl “Yuventus”la oyunda son saniyəyə qədər hər şeyimizi vermişdik, bu gecə yenə inanılmaz fiziki və ruhi gərginlik altında işləməli olduq.

Biz irəliləməyə davam etməli, bu əhval-ruhiyyəni qoruyub saxlamalı və mövsümün son oyunlarını oynamalıyıq”.