"Dollar və avro lazımsızdır" - Lukaşenko

"Dünya ölkələri dollar və avrodan istifadəyə marağını itirir, ona görə də indi bu valyutaların heç kimə faydası yoxdur".

"Unikal" xəbər verir ki, bunu Belarus prezidenti Aleksandr Lukaşenko Minskdə jurnalistlərə açıqlamasında deyib. 

“İndi heç kimə nə dollar, nə də avro lazımdır. Bu artıq təkcə Belarus və Rusiyada deyil. Bu, bir çox ölkələrdə belədir”, - o, qeyd edib. 

Lukaşenko xüsusilə Qərb ölkələrində saxlanılan qızıl-valyuta ehtiyatlarının Rusiyadan mümkün oğurlanması ilə bağlı vəziyyət fonunda Amerika və Avropa valyutalarının aktuallığının azaldığını vurğulayıb.