Azərbaycan Yazıçılar Birliyinin “Natəvan” klubunda “Heydər Əliyev və multikulturalizm” adlı dəyirmi masa keçirilib.
Məclisin aparıcısı, AYB-də Multikulturalizm məsələləri üzrə yeni təyin olunan məsul şəxs, şair Xatirə Fərəcli bildirib ki, dəyirmi masanın təşkili Ulu öndər Heydər Əliyev şəxsiyyətinə, mənəvi irsinə sevgi və diqqətin nümayişidir. O, Heydər Əliyevin multikulturalizm dəyərlərinə verdiyi töhfələrdən konkret faktlarla söz açıb.
Tədbirdə iştirak edən AYB-nin katibləri İlqar Fəhmi və “Simurq” Mədəniyyət Assosiasiyasının prezidenti Fuad Məmmədov, Bakı Beynəlxalq Multikulturalizm Mərkəzinin şöbə müdiri, jurnalist Yadigar Məmmədli, Azərbaycan Milli Konservatoriyasının kafedra müdiri Firudin Qurbansoy, ölkəmizdə yaşayan milli azlıqların nümayəndələri çıxışlarında Ulu ondərin azərbaycançılıq ideyasının təbliğində və yayılmasında gördüyü əhəmiyyətli işlərdən bəhs ediblər.
Qeyd olunub ki, ölkəmizdə multikulturalizm modelinin yaradılmasında Heydər Əliyevin xidməti danılmazdır və bu gün Azərbaycan xalqının multikultural ənənələrinin qorunması və inkişaf etdirilməsi Prezident İlham Əliyevin siyasətində prioritet təşkil edir. Yazıçılarımız da bu mövzuda çoxlu dəyərli əsərlər yaradıblar və inam var ki, bundan sonra da multikulturalizm onların yaradıcılığında aparıcı mövzulardan olacaq.
XQ
