Bu gün atıcılıq üzrə Dünya Kubokunda qadınlar və kişilər arasında tüfəngdən 50 metr məsafəyə 3 mövqe üzrə atəş açma növündə final görüşləri keçirilib.
BAKU.WS Oxu.Az-a istinadən xəbər verir ki, Almaniyanı təmsil edən Anna Yanssen həlledici qarşılaşmada “Tokio - 2020”də olimpiya çempionu olmuş isveçrəli Nina Kristeni üstələyərək qızıl medalın sevincini yaşayıb. Nina Kristen gümüş, Jiayu Han bürünc medalla kifayətlənib.
Qadınların mübarizəsindən sonra kişi atletlərin yarışı baş tutub. Çini təmsil edən atletlər qızıl medal uğrunda yarışıblar. Yukun Liu son atışları daha dəqiq yerinə yetirərək həm qalib olub, həm də dünya rekordunu yeniləyib (467,3). Çinli Linshu Du gümüş, fransalı Lukas Bernar Denis Kriz bürünc medal qazanıb.
