"Real Madrid" - "Bavariya" matçının ən yaxşı futbolçusunun adı açıqlanıb

UEFA Çempionlar Liqasının yarımfinal mərhələsinin cavab oyununda “Real Madrid” doğma meydanda “Bavariya” ilə qarşılaşıb.

Apasport.az xəbər verir ki, qarşılaşma “kral” klubunun 2:1 hesablı qələbəsi ilə yekunlaşıb.

Matçın sonlarına doğru meydana daxil olan hücumçu Xoselu dubl edib. 34 yaşlı bombardirin məhsuldarlığına baxmayaraq, braziliyalı hücumçu Vinisius Junior qarşılaşmanın ən yaxşı oyunçusu seçilib. Bu barədə UEFA-nın rəsmi saytı məlumat yayıb.

Qeyd edək ki, Çempionlar Liqasının finalında “kral” klubu Dortmund “Borussiya”sı ilə qarşılaşacaq.