"Tesla" qapılarını yeni işçilərə bağladı

"Tesla" son bir neçə həftədir davam edən işdən çıxarmalarla gündəmdədir. 

Avtosfer.az xəbər verir ki, son məlumatlara görə şirkət Şimali Amerikada işə götürməyi tamamilə dayandırıb.
Keçən ay "Tesla"nın işə qəbul səhifələri 3400-dən çox iş elanı ilə dolu olsa da, indi yalnız üç vəzifə üçün vakansiya var. "LinkedIn"ə əsasən Çində daxil olmaqla ümumilikdə 326 iş elanı var. İlon Mask ötən ay işçilərinə işdən çıxarılmalarla bağlı yazdığı məktubda şirkətin sürətli böyüməsi səbəbindən bəzi rol və funksiyalarda lazımsız yığılmanın baş verdiyini bildirmişdi.İşə qəbulu azaltmaqla Musk vurğuladı ki, şirkət böyümənin növbəti mərhələsinə hazırlıq üçün xərcləri azaltmalı və bütün sahələrdə məhsuldarlığı artırmalıdır. Təəssüf ki, bu müddət ərzində ən azı 14 min işçinin ixtisar edildiyi təxmin edilir. Mask bu qərarları vermək məcburiyyətində qaldığı üçün peşman olduğunu, lakin şirkətin gələcəyi üçün bu addımların atılması lazım olduğunu ifadə etmişdi.
"Tesla"nın işə qəbulunu dayandırması və geniş miqyaslı ixtisarlar şirkətin qarşıdakı dövrdə daha sərt maliyyə intizamına malik olacağını göstərir. Bu Tesla işçiləri üçün çətin bir dövr ola bilər, lakin bu, şirkətin daha səmərəli və diqqətli bir quruluş əldə etməsi üçün atılan addımlar kimi də qəbul edilə bilər. Nə olursa olsun, Elon Maskın başçılıq etdiyi "Tesla-"an sürprizlərin əskikliyi olmayacaq.

Məhəbbət