Talassemiya genentik defekt nəticəsində hemoqlabin sintezinin pozulması və xroniki anemiya ilə xarakterizə olunan irsi qan xəstəliyidir. Talassemiya hemoqlabin istehsalı zamanı yaranan zülal çatışmamazlığıdır. Bu zülal qırmızı qan hüceyrəsində tapılıb, oksigeni ağciyərlərdən bütün bədən hissələrinə nəql edir və qana qırmızı rəng verir.
Bu barədə Aztibb.az-a Samux Rayon Mərkəzi Xəstəxanasının həkim-pediatrı Nurlana Kazımova talassemiya xəstəliyi haqqında danışarkən bildirib.
N.Kazımova qeyd edib ki, talassemiya xəstələrində hemoqlobin zəncirindən biri olmur. Nəticədə də qırmızı qanda olan hüceyrələr talassemiyaya tutulur və düzgün fəaliyyət göstərmir.
Onun sözlərinə görə talassemiyanın Major və Minor növləri var. Minor-talassemiyaya tutulanlar mutasiya daşıyıcısı adlanırlar. Major-talassemiyanın əsas tipidir və Kule anemiya adlanır. Bu əsasən B zəncirinin az olması və ya heç olmamasından irəli gəlir.: "Anemiyanın ciddi formasında qan xəstəliyi insanın tez yoluxması və oksigen çatışmazlığına səbəb olur. Anemiya insan həyatının ilk illərində baş verir. Bu tip insanlarda tez-tez qan tələb olunur və zülalların dəmirdə rolu nəzərə alınır. Dəmir insanın ürək, qaraciyər və digər orqanların bərpasında iştirak edir".
