“7 may 2024-cü il tarixdə saat 14:00 radələrində Ermənistan Müdafiə Nazirliyinin N saylı hərbi hissəsinin mühafizə ərazisindəki döyüş mövqeyinin qazıntı məntəqəsində müqaviləli hərbi qulluqçu, 1985-ci il təvəllüdlü Artak Seryozhaeviç Avalyanın meyiti çənəsindən ölümcül güllə yarası ilə aşkar edilib”.
Viral.az Ermənistan mətbuatına istinadən xəbər verir ki, bu barədə ölkənin İstintaq Komitəsi məlumat yayıb.
“Faktla bağlı cinayət işi başlanıb, ibtidai istintaq əməliyyat-istintaq qrupuna həvalə edilib. Hadisə yerinə baxış keçirilib. Meyitin xarici müayinəsi zamanı zorakılıq əlamətləri aşkar edilməyib. Bütün hərbi qulluqçular və döyüş mövqeyində vəzifə tutan zabitlər dindirilib. Meyitin məhkəmə-tibbi ekspertizası da təyin edilib”, – deyə qeyd olunub.
Bildirilib ki, hadisənin bütün hallarının aydınlaşdırılması üçün təxirəsalınmaz sübut və prosessual tədbirlər görülür.
