Qan təzyiqini azaltmaq üçün çuğundurdan istifadə qaydaları

Britaniyalı dietoloq Emili Liminqin fikrincə, çuğundur suyunun tərkibindəki nitratlar (azot turşusu duzları) qan damarlarının divarlarını effektiv şəkildə rahatlaşdıra bilir və bununla da qan təzyiqini aşağı salır. Buxarlanmış çuğundur yemək də bu göstəricini normallaşdırmağa kömək edir.

Redaktor.az xəbər verir ki, bu barədə "Daily Mail" məlumat yayıb.

Dietoloq 2014-cü ildə "Hipertoniya" jurnalında dərc olunmuş araşdırmaya istinad edir. Bu elmi işin nəticələri göstərdi ki, iki ay ərzində gündə 250 ml çuğundur suyu içmək qan təzyiqini normallaşdıra bilər (iştirakçılarda bu göstərici orta hesabla 8/4 mm Hg azalıb).

Bu terapevtik təsir çuğundurda olan nitratlar - azot turşusu duzları tərəfindən həyata keçirilir. Onlar azot tərkibli qarışıqlarla mayalandıqda tərəvəzlərdə toplanır. Nitratlar qan damarlarının divarlarına rahatlaşdırıcı təsir göstərərək qan təzyiqini aşağı sala bilər.

Liming qeyd edib ki, çuğundurun tərkibindəki nitratlar qaynadılan zaman bir çox faydalı xüsusiyyətlərini itirir. Bu səbəbdən tərəvəzi çiy və ya buxarda bişirilmiş yemək, həmçinin ondan suyunu sıxmaq daha yaxşıdır.

T.İSMAYIL