Zaqatalada 15 nəfər dönərdən zəhərlənib.
“Qafqazinfo”nun məlumatına görə, zəhərlənən şəxslərin hamısı şəhərin müxtəlif dönərxanalarında hazırlanmış dönərlərdən istifadə ediblər.
Hazırda zəhərlənən şəxslərə Zaqatala Rayon Mərkəzi Xəstəxanasıda tibbi yardımlar göstərilir.
Faktla bağlı müvafiq qrumlar tərəfindən araşdırmalara başlanılıb.
TƏBİB-dən “Qafqazinfo”ya bildirilib ki, bu gün saat 17:40-dan başlayaraq qidadan zəhərlənmə şübhəsilə 15 nəfər (10 qadın cinsli, 5 kişi cinsli olmaqla) Zaqatala Rayon Mərkəzi Xəstəxanasının Təcili yardım şöbəsinə daxil olub.
Bildirilib ki, onlardan 5-i uşaqdır:
“Xəstələrin vəziyyəti orta ağır, huşları aydındır. Hazırda xəstələrin müayinə və müalicəsi davam etdirilir”.
Mübariz Muradov
