Müasir həyat yuxu rejiminə mənfi təsir edir

İnsanın keyfiyyətli və dərin yuxu alması üçün kifayət qədər “melatonin” hormonu tələb olunur.

Demokrat.az xəbər verir ki, bu barədə türkiyəli professor Çağlar Çuxadaroğlu “Habertürk”ə danışıb.

O bildirib ki, nizamlı və keyfiyyətli yuxu sağlamlığın qorunması üçün böyük əhəmiyyət daşıyır:

“Müasir şəhər həyatında ofis mühitində uzun müddət mavi işığa məruz qalmaq melatonin mübadiləsini pozur. Bədənin və beynin dincəlməsi, hüceyrələrin yenilənməsi üçün dərin yuxu vacibdir.

Keyfiyyətli bir yuxu üçün, gecə 23.00-24.00 radələrində və 6-7 saat yatmağı məsləhət görürük”.

Professor vurğulayıb ki, yuxu problemi olan insanlar müxtəlif əlavələrdən istifadə edə bilər:

“Həkim nəzarəti altında müəyyən diaqnoz qoyulduqdan sonra müxtəlif hormon əlavələrindən istifadə etmək olar. Lakin, bu, yuxu problemi olan hərkəsə şamil olunmur”.

Aysu
Demokrat.az