Belarus sərhədlərində hərbi vəziyyət qızışır, nüvə silahı TEST EDİLİR

"Belarusun qərb və cənub sərhədlərində hərbi vəziyyət qızışır".

Publika.az xəbər verir ki, bunu Belarus prezidenti Aleksandr Lukaşenko deyib .

“Hərbi blokların və alyansların digər ölkələrin təhlükəsizliyinə zərər vurmaqla genişlənməsi, eləcə də NATO-nun regionumuzda görünməmiş potensialının artması ilə vəziyyət qızışır. Bütün bunlar artıq Belarusun qərb və cənub sərhədlərindədir”, - Lukaşenko qeyd edib.

Lukaşenko həmçinin Belarus ordusunda nüvə silahından istifadənin yoxlanılmasından danışıb:

"Orduda qeyri-strateji nüvə silahlarından istifadənin yoxlanılması müdafiə xarakteri daşıyır".

Qeyd edək ki, mayın 7-də Belarusda qeyri -strateji nüvə silahı daşıyan qüvvə və vasitələrin qəfil yoxlanılmasına başlanılıb. “İsgəndər” əməliyyat-taktiki kompleksinin diviziyası və "Su-25" təyyarələrindən ibarət eskadrilya qarşıya qoyulan tapşırıqları yerinə yetirmək üçün hazırlanır.