Berlin polisi Qələbə Günündə rus simvollarını qadağan edib

Berlin polisi paytaxtdakı üç böyük sovet memorialında Qələbə Günü qeyd etmələrinə Rusiya simvollarını qadağan edib.

SİA-nın əldə etdiyi məlumata görə, bu barədə TASS Berlin Torpaq İnzibati Departamentinin rəsmi qəzetində nəzərdə tutulan qaydalara istinadən xəbər verir.

Qadağa hərbi marşlara və mahnılara, xüsusən də “Müqəddəs Müharibə”nin bütün variantlarına, Rusiya bayrağına, SSRİ, Belarusiya, Çeçenistanın Krımla əlaqəli gerbləri olan bayraqlara, DXR, LPR, Xerson və Zaporojyeyə regionlarınaşamil edilir.

Bura Müqəddəs Georgi lentləri, “V” “, “Z” simvolları, hərbi forma və digər simvollar da daxildir.

Hüquq-mühafizə orqanları həmçinin Ukraynada keçirilən xüsusi əməliyyatın açıq şəkildə təsdiqini qadağan edib.

Məhdudiyyətlər təkcə diplomatik nümayəndə heyətlərinin üzvlərinə və digər imtiyazlı şəxslərə şamil edilmir. Bundan əlavə, İkinci Dünya Müharibəsi veteranlarına hərbi forma və onun elementləri, həmçinin Müqəddəs Georgi lenti taxmağa icazə verilir.

Qeyd edək ki, qaydalar mayın 8-i səhərdən mayın 9-u axşama qədər Treptower Parkdakı memorialda, həmçinin Tiergarten və Pankow rayonlarında tətbiq olunacaq.

Bu günlərdə həmin anım yerlərində anım tədbirləri və nümayişlərin keçirilməsi planlaşdırılır.

Asayişi 1,5 mindən çox polis qoruyacaq.

Nazlı