"Maqro Construction" MMC - CƏRİMƏ OLUNA BİLƏR

"Maqro Construction" MMC barəsində gömrük qaydaları əleyhinə olan (Malların və nəqliyyat vasitələrinin Azərbaycan Respublikasının gömrük ərazisindən kənara aparılmaması, yaxud həmin əraziyə qaytarılmaması) inzibati xəta protokolu tərtib edilib.

• "Smart Energy Services" MMC - MƏHKƏMƏYƏ VERİLDİ - SƏBƏB

FED.az  xəbər verir ki, bu protokol İnzibati Xətalar Məcəlləsinin  499.1.3-cü  maddəsi ilə iddası ilə irəli sürülüb.

İnzibati Xətalar Məcəlləsinin 499.1.3-cü maddasinə görə,  Azərbaycan Respublikasının gömrük ərazisindən kənara aparılması və ya bu əraziyə qaytarılması məcburi olan, əvvəllər müvəqqəti gətirilmiş və ya aparılmış mallar və ya nəqliyyat vasitələrinin müəyyən olunmuş müddətlər pozulmaqla Azərbaycan Respublikasının gömrük ərazisindən kənara aparılmasına və ya bu əraziyə qaytarılmasına görə, yəni bir aydan üç ayadək müddətə gecikdirilməklə Azərbaycan Respublikasının gömrük ərazisindən kənara aparılmasına və ya bu əraziyə qaytarılmasına görə fiziki şəxslər 500-750 manatadək məbləğdə, vəzifəli şəxslər 800-1200 manatadək məbləğdə, hüquqi şəxslər iki min manatdan üç min manatadək məbləğdə cərimə edilir.

İş Gəncə Şəhər  Məhkəməsində Orxan Cəfərlinin icraatındadır.

Məhkəmə ilə əlaqəli baxış iclası 16 aprel 2024-cü il, saat 11:20-yə təyin edilib.