Azərbaycan meyvə-tərəvəz ixracından 132 mln. dollardan çox gəlir əldə edib

Müəllif: Gülnar Əhmədli, Banco.az

Azərbaycan cari ilin birinci rübündə 132 milyon 579 min dollar dəyərində 111 min 441 ton meyvə-tərəvəz ixrac edib. 

Banco.az Dövlət Gömrük Komitəsinin hesabatına istinadən xəbər verir ki, 2023-cü ilin müvafiq dövrü ilə müqayisədə ölkədən ixrac edilən meyvə-tərəvəzin dəyəri 15,3% (17 milyon 639 min dollar), miqdarı isə 22,6% (20 min 548 ton) artıb.

2023-cü ilin eyni dövründə Azərbaycandan 114 milyon 940 min dollar dəyərində 90 min 893 ton meyvə-tərəvəz ixrac edilib. 

Qeyd edək ki, 2024-cü ilin ilk 3 ayında (yanvar-mart) meyvə-tərəvəzin ümumi ixracda xüsusi çəkisi 2,22%-ə, qeyri-neft məhsullarının ixracında olan çəkisi isə 19,68%-ə bərabər olub.