“Heydər Əliyevin 100 illiyi (1923–2023)” yubiley medalı təqdim edildi

Mayın 7-də Milli Azərbaycan Tarixi Muzeyində mədəniyyət və incəsənət xadimlərinə “Heydər Əliyevin 100 illiyi (1923–2023)” yubiley medalının təqdim edilməsi mərasimi keçirilib.

Kulis.az xəbər verir ki, tədbirdə mədəniyyət naziri Adil Kərimli yubiley medalına layiq görülən mədəniyyət və incəsənət xadimlərini təbrik edib. Nazir Azərbaycan mədəniyyətinə, incəsənətinə göstərdiyi davamlı dəstəyə görə Prezident İlham Əliyevə minnətdarlığını ifadə edib.

Vurğulanıb ki, Ümummilli Lider Heydər Əliyevin anadan olmasının 101-ci ildönümü ərəfəsində təqdim edilən yubiley medalının xüsusi önəmi var.