İranın Kəraçidəki Baş Konsulluğu Həsən Nurian bildirib ki, qaz kəməri layihəsi ilə bağlı İran və Pakistan rəsmiləri arasında mənalı və məhsuldar müzakirələr aparılıb.
"Operativ Media" xəbər verir ki, Pakistanın Kəraçi şəhərində jurnalistlərə açıqlama verən Həsən Nurian İran prezidenti İbrahim Rəisinin ölkənin iqtisadi ürəyi olan Kəraçiyə son səfərinin iki ölkə arasında ikitərəfli münasibətlərin inkişafında əhəmiyyətini vurğulayıb.
O bildirib ki, tərəflər yaxın illərdə İran və Pakistan arasında ikitərəfli ticarət dövriyyəsini 10 milyard dollara çatdırmağa söz veriblər.
Nurian onu da əlavə edib ki, texniki və siyasi səbəblərə görə təxirə salınan birgə qaz sazişi də daxil olmaqla, ticarət və enerji əməkdaşlığının gücləndirilməsinə dair razılıq əldə olunub.
Nurian İbrahim Rəisinin rəsmi səfərinin yekununda İran və Pakistanın birgə bəyanatına toxunaraq bildirib ki, hər iki ölkə Azad Ticarət Sazişinin (STA) yekunlaşdırılması prosesini sürətləndirmək üçün razılığa gəlib və qısa müddətdə Müştərək İqtisadi Komissiyanın 22-ci turu keçiriləcək.
İranın Kəraçidəki Baş Konsulluğu Tehran və İslamabad arasında enerji sahəsində əlaqələrə toxunaraq əlavə edib ki, təbii qaz kəməri layihəsi ilə bağlı iki ölkənin rəsmiləri arasında konstruktiv müzakirələr aparılıb. İran Pakistanın enerji ehtiyaclarından xəbərdardır və qonşu ölkəni sabit və kifayət qədər qazla təmin etməyə hazırdır.
O, İranın ötən il Pakistanın Bəlucistan və Qvadar bölgələrinə ehtiyac duyduğu elektrik enerjisi ixracını 200 meqavata çatdırdığını və Pakistanın iqtisadi inkişafı üçün hər cür yardımdan əl çəkməyəcəyini qeyd edib.
