ABŞ Cheyenne superkompüterini hərraca çıxarıb

ABŞ hökuməti Vayominq ştatının Çeyen şəhərində yerləşən və istismardan çıxarılan Cheyenne superkompüterinin satışı üçün hərrac elan edib.  5,34 petaflops məhsuldarlığa malik superkompüter 2016-cı ildə quraşdırıldığı zaman dünyada ən güclü 20-ci olub.

Herbiand.az bildirir ki, bu barədə “Arstechnica” xəbər verib. 

Hərrac 2500 dollardan başlayıb. Lakin hazırda kompüterin qiyməti 480 085 dollara çatıb.

Superkompüter NCAR-Wyoming mərkəzində 2017-ci il yanvarın 12-dən 2023-cü il dekabrın 31-dək rəsmi olaraq fəaliyyət göstərib. Texnika Yer atmosferi ilə bağlı tədqiqatları inkişaf etdirmək üçün ən enerjiyə qənaət edən kompüter sistemlərindən biri hesab olunurdu.

“Superkompüter təhsildə əsas rol oynayıb. 80-dən çox universitet kurslarını və akademik tapşırıqları dəstəkləyib. Cheyenne ilə aparılan tədqiqatlar 4500-dən çox nəşrin, dissertasiyanın və digər işlərin əsasını təşkil edib”, - Universitetin Atmosfer Tədqiqatları Korporasiyası qeyd edib. 

Bəxtiyar CƏFƏRLİ