Rusiya-Ukrayna müharibəsinin şiddətləndiyi bir məqamda, Rusiya lideri Putin nüvə kartını da masaya qoyub.
Mia.az Rusiya mətbuatına istinadla xəbər verir ki, İngiltərə və Fransanın ardıcıl təhdidlərindən sonra rsmi Moskva nüvə silahı ssenarilərinin tətbiqi ilə bağlı qoşunları ayağa qaldırıb.
"RİA Novosti"yə danışan rusiyalı diplomat Qriqori Maşkov deyib ki, hazırda Qərblə açıq münaqişə mərhələsindəyik: "Ümid edirəm ki, bu, birbaşa silahlı münaqişyə çevrilməyəcək. Hazırda 1962-ci ildə Kuba Raket Böhranından bəri münasibətlərdə ən pis çöküş baş verib və Moskva bütün raket arsenalını gücləndirməli, savaşa hazırlamalıdır".
Maşkov əlavə edib ki, bu, potensial düşmənin Rusiyanın qüdrətini sınamasının qarşısını almaq üçün vacibdir: "Yoxsa, dünya görünməmiş fəlakətl üz-üzə gələcək".
Qeyd edək ki, Fransa prezidenti Emmanuel Makron bu yaxınlarda "The Economist"ə müsahibəsində deyib ki, əgər işlər çətinləşərsə, Ukraynaya hərbçi göndərəcəklər: "Mən heç nəyi istisna etmirəm, çünki biz heç nəyi istisna etməyən biri ilə - Rusiya ilə üz-üzəyik"
Putin isə hələ bundan əvvəl də oxşar bəyanat verən Makronu hədələmişdi:"Fransa Ukraynaya qoşun yeridərsə, bu qoşunlar 1812-ci ildə işğaldan sonra böyük itkilər verən Napoleon Bonapartın ordusu ilə eyni aqibəti yaşayacaqlar".
Zülfiyyə Mustafayeva
MİA.AZ
