"Amazon" Sinqapur bulud texnologiyalarına 9 milyard dollar sərmayə qoyacaq

"Amazon Web Services" (AWS) Sinqapurun bulud infrastrukturuna dörd il ərzində 9 milyard dollar sərmayə qoyur.

"Operativ Media" xəbər verir ki, bu barədə "Bloomberg" məlumat yayıb.

Məlumata görə, investisiya layihəsi istehlakçıların bulud xidmətlərinə artan tələbatını ödəmək və süni intellektin (AI) tətbiqini sürətləndirmək məqsədi daşıyır.

Şirkət hesab edir ki, maliyyə investisiyası yerli Sinqapur şirkətlərində təxminən 12 300 tamştatlı iş yeri yaradacaq.

AWS regional meneceri Priscilla Cheung deyib ki, bu investisiya iqtisadi artımı və bulud texnologiyalarının tətbiqini sürətləndirərək Sinqapurda dalğalanma effekti verəcək.