Sosial şəbəkədə taksi sürücüsü Pərviz Zeyn müştərisini səsi ilə təsirləndirərək diqqətləri üzərinə çəkib.
Ednews sözügedən şəxslə əlaqə yaradaraq müsahibə alıb. Müsahibəni təqdim edirik:
- Pərviz bəy özünüz haqda qısa məlumat verərsiniz...
- Zeynalov Pərviz Feyruz oğlu, 1988-ci ildə Bakı şəhərində doğulmuşam. Bir ildi taksi fəaliyyətindəyəm.
- İncənəsətə marağınız necə yarandı?
- İncəsənətə 30 yaşımdan başladım. İlk növbədə mahnılar yazmışam. Nədənsə uğur qazana bilmədim.
- Yazdığınız mahnıların mövzusu nə olub?
- Mahnılarım əsasən yaşadıqlarımı əks etdirib. Yaşadıqlarımı qələmə alıb musiqi bəstələmişəm.
- Taksidə sərnişinlərinizə mahnı ifa edirsiniz?
- Əlbəttə, yox. Son zamanlar başlamışdım mahnı oxumağa. Bəzən elə olub sərnişinlər ilə birlikdə mahnı ifa etmişik.
- Kimsə demişdi ki, sizə səsiniz əsrarəngizdir?
- “Elay” production mənim sponsorum olub. Youtube platfomasında klipim də var. Sadəcə elə oldu ki, ilk mahnımız tutmadı. Arangmançılar bizi aldatdılar. Yaşadıqlarım məni həvəsdən salmışdı.
- İlk mahnınız hansı olub?
- İlk mahnım “Pəncərənə qoyduğum güllər” mahnısı olub.
- Həyatınızın dönüş nöqtəsi nə zaman olduğunu düşünürsüz?
- Bir gün taksimə qadın müştəri mindi. O məni yenidən musiqiyə həvəsləndirdi. Mənə ilham mənbəyi oldu. Mənim kimi insanlar çoxdu.
- O qadın kim idi?
- Türkiyəli xanım idi, kibertəhlükəsizlik üzrə ekspert Berna Baysal.
- Həyatda ən böyük arzunuz nədir?
- Qarabağda açılan universitetdə “Unutma ki, dünya fani” mahnısını ifa etməkdir. Bu mahnının sözləri şəhidlərimizə hərs olunub.
- Son olaraq nə demək istəyərsiniz?
- Səsimi bəyənən hərkəsə öz təşəkkürümü bildirirəm. Sevinirəm ki, şəhidlərin yad edilməsində mənim də payım oldu.
Söhbətləşdi: Aynurə İsmayıl
.jpg)
