BMT baş katibi bu vəziyyətdən NARAHATDIR

“BMT-nin baş katibi Antoniu Quterreş İsrail qoşunlarının Rəfahda hərbi əməliyyat keçirmə ehtimalının yüksək olmasından ciddi narahatdır”.

NOCOMMENT.az xəbər verir ki, bu barədə beynəlxalq təşkilatın rəhbərinin rəsmi nümayəndəsi Stefan Düjarrikin yaydığı bəyanatda deyilir.

Bildirilir ki, biz artıq insanların hərəkətlərini müşahidə edirik. Onların bir çoxu çıxılmaz humanitar şəraitdədir. Artıq dəfələrlə anklavda yerlərini dəyişmək məcburiyyətində qalıblar.

Baş katibin Ofisi beynəlxalq təşkilatın Qəzza zolağında atəşkəs və anklavda saxlanılan girovların azad edilməsi ilə bağlı həm İsrail hökumətinə, həm də HƏMAS rəhbərliyinə saziş bağlamaq üçün lazımi əlavə güzəştlər etmək çağırışını xatırladıb.