"Sumqayıt Aşqarlar" ASC-nin səhmdarlarının növbəti ümumi yığıncağı keçiriləcək.
İqtisadiyyat.az xəbər verir ki, bununla bağlı "Sumqayıt Aşqarlar" ASC-nin Baş direktoru Rasim Dadaşev elan edib.
Yığıncağın iyunun 30-da şirkətin Sumqayıt şəhəri, H.Z.Tağıyev qəsəbəsində yerləşən inzibati binasında keçirilməsi nəzərdə tutulub.
Ümumi yığıncağın gündəliyinə daxildir:
1. Cəmiyyətin 2023-cü il üçün maliyyə-təsərrüfat fəaliyyəti haqqında hesabat
2. Cari məsələlər
Qeyd edək ki, Sumqayıtda aşqar istehsal edən qurğu 1960-cı ildə ilk məhsulunu verib, 1966-cı ildə həmin qurğu əsasında müstəqil Sumqayıt Aşqarlar zavodu yaradılıb. Zavodun hüquqi varisi olan "Sumqayıt-Aşqarlar" ASC isə 2004-cü ildə yaradılıb. Onun nizamnamə kapitalı 596 004 manatdır. Qanuni təmsilçisi də elə baş direktor özüdür.
