Misir İsraili təmkinli olmağa və Qəzzada gərginliyin qarşısını almağa çağırır

Misir İsrail ordusunun Rəfahda mümkün əməliyyatı fonunda İsraili Qəzza zolağında gərginliyin qarşısını almağa çağırıb.

Bu barədə Ərəb Respublikasının Xarici İşlər Nazirliyinin bəyanatında deyilir.

"Misir Ərəb Respublikası Qəzza zolağının cənubundakı Fələstinin Rəfah bölgəsində İsrailin mümkün hərbi əməliyyatına qarşı xəbərdarlıq edir , çünki bu gərginləşdirici hərəkət bölgədə yaşayan bir milyondan çox fələstinlini təhdid edən ciddi humanitar risklərə səbəb olur".

Bu barədə Misir Xarici İşlər Nazirliyinin rəsmisi Əhməd Əbu Zeyd sosial şəbəkədə (keçmiş Twitter) məlumat yayıb.

Misir həmçinin yəhudi dövlətini təmkin nümayiş etdirməyə və atəşkəs danışıqları davam edərkən daha da gərginləşməyə yol verməməyə çağırıb. Misir Xarici İşlər Nazirliyi bildirib ki, Qahirə vəziyyətin pisləşməsinin və ya nəzarətdən çıxmasının qarşısını almaq üçün bütün tərəflərlə gecə-gündüz əlaqə saxlamağa davam edir.