Sosial.tv Rusiya mediasına istinadən xəbər verir ki, bu barədə Kremlin rəsmi sözcüsü Dmitri Peskov bildirib.
Rusiya liderinin mətbuat katibi qarşıdan gələn təlimləri şərh edərkən qeyd edib ki, Ukraynada görünməmiş gərginlik raundu Rusiyadan cavab tədbirləri tələb edir.
Peskov Qərb siyasətçilərinin hansı bəyanatlarının yeni nüvə hərbi təlimlərinin başlamasına səbəb olduğunu dəqiq izah edib. Belə ki, söhbət Fransa prezidenti Emmanuel Makronun, Britaniya nümayəndələrinin və ABŞ Senatının nümayəndəsinin bəyanatlarından gedir.
Məlumata görə Rusiya Silahlı Qüvvələrinin Baş Qərargahı aviasiya və dəniz qüvvələrinin iştirakı ilə Cənub Hərb Dairəsinin raket birləşmələrinin təlimlərinin keçirilməsi üçün hazırlıqlara başlayıb. Təlimlərin keçirilməsi ilə bağlı əmri Rusiya prezidenti Vladimir Putin verib.
Müdafiə Nazirliyi bildirib ki, məqsəd şəxsi heyətin və texnikanın hazır vəziyyətdə saxlanılması, ölkənin ərazi bütövlüyü və suverenliyinin təmin edilməsidir. Təlimlər “ayrı-ayrı Qərb rəsmilərinin Rusiya Federasiyasına qarşı təxribat xarakterli bəyanatlarına və təhdidlərinə” cavab olacaq.
Taktiki nüvə silahları nüvə silahlarının növlərindən biridir. O, azaldılmış güclə xarakterizə olunur, böyük hədəfləri və düşmən qüvvələrinin cəbhədə və birbaşa arxada cəmləşməsini məhv etmək üçün istifadə edilir. Bu silah növü bombalar, artilleriya mərmiləri, minalar, dərinlik bombaları, döyüş başlıqları olan torpedalar, zenit raketləri və qısa mənzilli raketlər formasında ola bilər.
