Rusiyanın Baltik dənizi üzərindən hava səyahətinə müdaxilə etdiyi iddia edilir, bu baxımdan Qərb Rusiyanın Kalininqrada girişini “qadağan etmək və ya sərtləşdirmək” variantını nəzərdən keçirə bilər.
“Verkkouutiset” xəbər verir ki, bunu finlandiyalı siyasətçi, Finlandiyanın Milli Koalisiya partiyasından Avropa Parlamentinə namizəd Miki Aaltola deyib.
“GPS müdaxiləsi Rusiyadan və Rusiyanın Baltik dənizində yerləşən Kalininqrad adasından gəlir. Əgər Rusiya uçuşların qarşısını alırsa, niyə Rusiyanın Kalininqrada girişini qadağan etməsin və ya sərtləşdirməsin”, - o təklif edib.
Bundan əvvəl Estoniya yenidən Rusiyanı Baltik regionunda GPS siqnalını pozmaqda ittiham edib. Respublika Xarici İşlər Nazirliyinin rəhbəri Marqus Tsahkna bildirib ki, bu problem Estoniya, Latviya, Litva, Finlandiya, Norveç, İsveç və Polşaya aiddir. Tsahknaya görə, "GPS-ə hücum həyatımızı pozan və hər cür beynəlxalq müqavilələri pozan hibrid bir hərəkətin bir hissəsidir."
Estoniya Xarici İşlər Nazirliyinin rəhbəri izah edib ki, Rusiya digər ölkələr kimi GPS sisteminin fəaliyyətinə müdaxilənin qarşısının alınmasına dair konvensiyanın iştirakçısıdır. Bununla belə, onun sözlərinə görə, müdaxilənin Sankt-Peterburq, Pskov və Kalininqrad vilayətindən gəldiyinə dair çoxlu sübutlar var.
Aprelin 27-də Helsinkidən uçan Finnair təyyarəsi GPS-in müdaxiləsi səbəbindən Tartu hava limanına enə bilməyib və Finlandiyaya qayıdıb.
E.ŞİRİNOV
