Ançelotti yenə “Bavariya”ya uduzmadı, intriqa Madridə daşındı

yarımfinal, ilk oyun
Bavariya – Real 2:2 (0:1)
Bavariya (Münhen, Almaniya): Noyer, Kimmix, Kim Min Çje, Dayer, Mazraui, Laymer, Qoretska (Gerreyro, 46), Musiala, Müller (Qnabri, 80), Sane (Devis, 87), Keyn.
Real (Madrid, İspaniya): Lunin, Vaskes, Rüdiger, Naço (Kamavinqa, 65), Mendi, Valverde, Çuameni, Kroos (Dias, 75), Bellingem (Modriç, 75), Rodriqo (Xoselu, 87), Vinisius.
Qollar: Vinisius, 24 (0:1). Sane, 53 (1:1). Keyn, 57-p. (2:1). Vinisius, 83-p. (2:2).
Vərəqələr: Mazraui, 43. Kroos, 64. Kim Min Çje, 82. Vaskes, 90+2 – sarı.
Hakim: Kleman Turpen (Fransa).
30 aprel. Münhen. 75000 tamaşaçı.
oyunun statistikası
qapıya (“çərçivə”yə) zərbə
künc zərbəsi
ofsayd
qayda pozuntusu
2 (0) sarı (qırmızı) vərəqə 2 (0)
topa sahibolma (faizlə)
Cavab oyunu mayın 8-də keçiriləcək.

“Bavariya” – “Real” qarşıdurması Çempionlar Liqasının klassikası sayılır. Bu komandalar qitənin əsas klub turniri çərçivəsində indiyə qədər 26 dəfə qarşılaşmışdı. Münhenlilərlə madridlilər heç vaxt finalda üz-üzə gəlməyib, əvəzində yarımfinalda 8-ci dəfə yolları kəsişirdi ki, bu da turnirin pley-offunun rekordudu. Son vaxtlar duellər, adətən, “kral klubu”nun qələbəsiylə bitir. “Real” son 7 oyunda “Bavariya”ya uduzmamışdı (6 qələbə, 1 heç-heçə). Düzdü, ÇL-də sonuncu dəfə 6 il əvvəl qarşılaşmışdılar. Heç də hər kəs yarımfinalda məhz bu cütün alınacağını gözləmirdi. Axı hər iki komanda 1/4 final ərəfəsində favorit sayılmırdı. O mərhələdə “Bavariya”nın bəxtinə “Arsenal”, “Real”ın bəxtinə isə “Mançester Siti” düşmüşdü. Bununla belə, çətin İngiltərə səddini aşmaq mümkün oldu.

Yarımfina ərəfəsində isə “Real”ın favorit olduğunu düşünənlər daha çox idi. Yəqin ki, “Bavariya”nın əksər azarkeşləri bu iddia ilə barışmırdı. Ancaq başverənlərə obyektiv yanaşsaq, münhenlilərlə müqayisədə madridlilərin cari mövsümü daha sabit keçirdiyini görə bilərik. Məsələn, bu mövsüm Ançelottinin komandasını oyun səviyyəsinə görə çox az hallarda tənqid etmək olardı. Tuxelin komandası isə ölkədaxili turnirləri boşa verib. ÇL Münhen nəhəngi üçün uğursuz mövsümün təəssüratını unutdurmaq baxımından son şans idi. Meydan sahibləri zədəli De Liqt, Koman, Boe və Sarrın xidmətindən məhrum idi, qonaqlara isə zədəli Alaba və cəzalı Karvaxal yardım edə bilməyəcəkdi.

İlk oyun futbol qurmanlarının könlünü oxşadı. Oyun parlaq, dramatik mübarizə şəraitində keçdi və məhsuldar alındı. Oyuna fəal başlayan münhenlilər artıq 1-ci dəqiqədə hesabı aça bilərdi, ancaq Sane Luninlə dueldən məğlub ayrıldı. Əvəzində qonaqlar ilk yarının ortalarında elə ilk ciddi hücumda hesabı açdılar. Kroosuin meydanın dərinliyindən göndərdiyi incə ötürməni qəbul edən Vinisius Noyerlə təkbətək zamanı olduqca soyuqqanlı davranıb hesabı açdı. Bu, Ançelottinin komandasının oyundakı ilk zərbəsi idi. Əlbəttə, “Bavariya” mümkün qədər tez bərabərliyi təmin etməyə çalışdı. Ancaq fasiləyə qədər hesab dəyişmədi. 2-ci hissənin əvvəli “Real” üçün “soyuq duş” oldu. Tuxelin komandası cəmi 4 dəqiqə ərzində oyunun axarını öz xeyrinə dəyişdi. Əvvəlcə Sane Luninin qoruduğu küncə qarşısıalınmaz zərbə vurdu, ardından Vaskes Musialaya qarşı kobud oynadı və təcrübəli Turpen penalti nöqtəsini göstərdi. Rüdigerin Luninin qulağına nələrsə pıçıldamasına baxmayaraq, Keyn zərbəni dəqiq yerinə yetirdi. Ancaq münhenlilər az-çox sərfəli hesabı sona qədər qoruya bilmədi. Sona yaxın Turpen artıq “Bavariya”nın qapısına penalti təyin etdi. Bu dəfə də Kim Min Çje Rodriqonu cərimə meydançasında yolverilməz fəndlə dayandırdı. Vinisius dubl etmək imkanını əldən vermədi. Sözsüz, Münhendəki bu heç-heçə cavab görüşü ərəfəsində madridlilər üçün daha sərfəlidi. Bütün hallarda bu komandaların “Santyaqo Bernabeu”dakı cavab görüşünü səbirsizliklə gözləməyə dəyər.

Oyundan sonra...
Karlo Ançelotti, “Real”ın baş məşqçisi:

Tomas Tuxel, “Bavariya”nın baş məşqçisi:

Vinisius Junior, “Real”ın yarımmüdafiəçisi:

Rodriqo, “Real”ın yarımmüdafiəçisi:

Harri Keyn, “Bavariya”nın hücumçusu:

Camal Musiala, “Bavariya”nın yarımmüdafiəçisi:

Toni Kroos, “Real”ın yarımmüdafiəçisi:

Faktlar
* Müller “Bavariya”nın heyətində ÇL-də 150-ci oyununu keçirdi. O, bu turnirin tarixinə bir komandada 150 və daha artıq oyun keçirən 3-cü futbolçu kimi düşdü. Xavi (“Barselona”da 151 oyun) və Kasilyas (“Real”da 150 oyun) da 150 oyun həddinə çatıb.
* Bellingem ÇL-də 32-ci oyununu keçirdi. “Real”ın oyunçusu ÇL tarixinə 21 yaşa çatmadan bu qədər oyun keçirən 2-ci futbolçu kimi düşdü. Cud Dortmund “Borussiya”sının heyətində 2020-23-cü illər aralığında ÇL-də 23 oyuna çıxıb. Bellingem bu göstəricidə yalnız “Arsenal”, “Çelsi” və “Barselona”nın sabiq yarımmüdafiəçisi Fabreqasdan geri qalır. O, 21 yaşını tamamlamadan ÇL-də 34 oyun keçirmişdi.
* Dubl edən Vinisius “Real”ın heyətində bütün turnirlərdə qol sayını 81-ə, cari mövsümdə isə 21-ə çatdırdı. Braziliyalı bu qolların 5-ni Çempionlar Liqasında, 13-nü La Liqada, 3-nü isə İspaniya Superkubokunda vurub. Vinisius 2018-ci ildə keçdiyi “Real”da ardıcıl 3-cü mövsümdə 20 və daha artıq qol vurur.
* Keyn ÇL-in bir mövsümündə məhsuldarlıq baxımından ingiltərəli futbolçular üçün rekord müəyyənləşdirdi. Cari turnirdə 8-ci qolunu vuran bombardir 3 məhsuldar ötürmə də verib. “Qol+ötürmə” sistemi üzrə 11 (8+3) xal ingiltərəli oyunçular üçün rekorddu. Bekhem MY-nin heyətində 1998/99, Cerrard usə “Liverpul”un heyətində 2007/08 mövsümündə 10 xal toplamışdı. Yeri gəlmişkən, Keyn həm də ÇL tarixinin ən məhsuldar 40 futbolçusu sırasına düşüb. Bu, onun turnirdə keçirdiyi 43-cü matçda 29-cu qolu olub. Keyn ÇL-də qol sayına görə Makayla (61 oyun) Cekoya (74 oyun) çatıb.
* “Real” artıq 12 ildi “Bavariya”ya uduzmur. Münhenlilər sonuncu dəfə 2012-ci il aprelin 17-də qalib gəlib – 2:1. Həmin vaxtdan bəri keçirilən 8 oyunun 6-da madridlilər qələbə qazanıb, 2 oyun heç-heçə bitib.
* Ançelotti məşqçi karyerası boyunca bir dəfə də “Bavariya”ya uduzmayıb. O, “Real”ın və “Milan”ın “sükanı arxasında” olarkən Münhen nəhəngi ilə 9 dəfə qarşılaşıb. Bu oyunların 6-da münhenlilər uduzub, 3-də heç-heçə qeydə alınıb. Qeyd etməyə dəyər ki, Ançelotti özü də 2016-17-ci illərdə Almaniya təmsilçisini çalışdırıb.
* “Bavariya” bu oyunda ötürmələrin dəqiqliyi baxımından yüksək effektivlik göstərdi. Münhen klubunun oyunçularının ifasında 555 ötürmədən 520-si (93,7 faiz) dəqiq oldu. Bu isə turnirin pley-off mərhələsi üçün son 9 ilin ən yüksək göstəricisidi.
* “Real” ÇL-də məğlubiyyətsiz oyunlar seriyasını 11-ə çatdırdı. Madridlilər bu turnir çərçivəsində keçirdiyi son 11 oyunun 7-də qələbə qazanıb, 4-də heç-heçə edib. Bu, “Real” üçün 2017-ci ilin mayından bəri ən yaxşı seriyadı. Həmin vaxt komanda ardıcıl 15 oyunda uduzmamışdı (10 qələbə, 5 heç-heçə).
* “Real” avrokuboklarda yalnız bir dəfə pley-offdakı səfər heç-heçəsindən sonra mübarizəni dayandırıb. Madrid nəhəngi Avropanın müxtəlif klub turnirlərində 24 dəfə ikioyunluq duelə səfər heç-heçəsi ilə başlayıb. Bu halların 23-də “ağ şimşəklər” mərhələ adlayıb. Belə vəziyyətdə “Real”ı dayandıran yeganə klub “Spartak”dı. “Qırmızı-ağlar” 1990/91 mövsümündə Çempionlar Kubokunun ilk 1/4 final oyununda səfərdə heç-heçə edib (0:0), ardından evdəki 3:1 hesablı qələbə ilə yarımfinala adlayıb.
* “Bavariya” tarixində 2-ci dəfə avrokuboklardakı ikioyunluq duelə evdə 2:2 hesablı heç-heçə ilə başladı. İlk belə hadisə UEFA kubokunun 1995/96 mövsümünün yarımfinalında baş verib. Onda münhenlilər cavab görüşündə “Barselona”nı 2:1 hesabıyla məğlub edib və ardından turnirin qalibi olub. Ümumiyyətlə, “Bavariya” avrokuboklarda 12-ci dəfə evdəki ilk oyunda heç-heçə etdi. Komanda belə halların 9-da iki oyunun nəticəsinə görə mübarizəni dayandırıb.