İTV-dəki qalmaqallı seriallar Yayım Şurasını hərəkətə keçirdi

Son günlər İctimai televiziyanın adı ətrafında müzakirələr səngimir. Telekanalda yayımlanan “Alatava” serialı bəzi insanların etirazına səbəb oldu. Serialda bəzi vulqar ifadələrin işlədilməsi narazılıq yaratdı. 

Yenisabah.az xəbər verir ki, İTV Yayım Şurasının üzvləri bölgələrdə ictimaiyyətlə görüşlər keçirəcək. Məqsəd ictimai yayımla bağlı tamaşaçıları dinləmək, onların təklif və tənqidlərini birbaşa deməsi üçün şərait yaratmaqdır. Artıq bu barədə ilkin müzakirələr gedir. Gərəkli razılaşmalar əldə edildikdən sonra Şura üzvlərinin bir qrupu belə görüşlərə qatılacaq. 

Bu barədə xəbəri İTV Yayım Şurasının üzvü Azər Həsrət təsdiqləyib. O, bildirib ki, belə görüşlərə çoxdan ehtiyac var. 

Əsmətxanım RZAZADƏ