Müharibə

Böyük təhlükə: atom elektrik stansiyasının üzərində döyüş PUA-ları uçur

reyting.az

13:23 02.05.2024

Smartbee
Şikayət et

Rusiya qoşunları Ukraynanın Təhlükəsizlik və Müdafiə Qüvvələrinin atəşə cavab verə bilməməsindən istifadə edərək Zaporojye Atom Elektrik Stansiyasının (AES) ərazisindən əks tərəfə pilotsuz təyyarələr buraxırlar.

Reyting.az xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsinin nümayəndəsi Andrey Çernyak “Babel” nəşrinə bildirib.

Onun sözlərinə görə, Baş Kəşfiyyat İdarəsində Rusiyanın ələ keçirdiyi Zaporojye AES-nın nüvə reaktorları üzərində Rusiya qoşunları tərəfindən kamikadze dronlardan istifadə edilməsinə dair sübutlar var.

A. Çernyak deyib ki, elektron vasitələrlə əldə olunan məlumatlar pilotsuz təyyarənin uçuş marşrutunun Zaporojya AES-nın enerji blokları üzərindən Ukraynanın nəzarətində olan Nikopol və Marqanets icmalarına doğru keçdiyini göstərir.

"Ruslar Zaporojye AES-nın ərazisindən Ukraynanın Təhlükəsizlik və Müdafiə Qüvvələrinin stansiyanın ətrafındakı bir kilometr yarımlıq zonada atəşə cavab verə bilməməsindən istifadə edərək pilotsuz təyyarələri işə salmaq üçün istifadə edirlər", - Çernyak əlavə edib.

Onun iddiasına görə, ruslar Zaporijya AES-nın altıncı reaktorunun düz yanında öz PUA-ları üçün buraxılış meydançaları yaradıblar. Çernyak deyib ki, Rusiya qüvvələri 2023-cü ilin yayından ələ keçirilən stansiyanın ərazisindən FPV pilotsuz təyyarələrinin pilotlarının hazırlanması üçün də istifadə etməyə başlayıblar. “Bu, Rusiya Silahlı Qüvvələri Baş Qərargahının Baş İdarəsi tərəfindən maliyyələşdirilən “Arxangel” məktəbi tərəfindən həyata keçirilir”, - Çernyak deyib.

O vurğulayıb ki, bütün bu faktlar işğal olunmuş nüvə obyektində Rusiyanın cinayətkar və məsuliyyətsiz fəaliyyətinin növbəti sübutudur. Dövlət Kəşfiyyat İdarəsinin nümayəndəsi deyib ki, bu cür fəaliyyətlər fəlakətli nəticələrə səbəb ola bilər.

E. KAMAL

Seçilən