Ukrayna müharibənin 797-ci günü üçün Rusiya ordusunun itkiləri haqda məlumatı yeniləyib. Ukrayna Baş Qərargahının yaydığı məlumatda qeyd olunur ki, Rusiya indiyə qədər 468 720 hərbçi, 7 307 ədəd tank, 14 046 ədəd zirehli döyüş maşını, 12 011 ədəd artilleriya sistemi, 1 053 ədəd RYAS (reaktiv yaylım atəş sistemi), 779 hava hücumundan müdafiə sistemi, 348 ədəd hərbi təyyarə, 325 ədəd helikopter, 16 142 ədəd avtomobil texnikası, 9 531 ədəd PUA, 2 126 qanadlı raket, 26 gəmi/kater, 1 sualtı qayıq, 1 977 xüsusi avadanlıq itirib.
Rusiya tərəfi isə yaydığı açıqlamada Ukraynanın itkilərini belə sıralayıb: "Hərbi əməliyyat başlayandan indiyədək 593 təyyarə, 270 helikopter, 23 min 609 PUA, 509 hava hücumundan müdafiə raket sistemi, 15 min 880 tank və zirehli texnika, 1275 çoxlüləli reaktiv yaylım atəşi sistemi, 9 min 209 haubitsa və minaatan., 387 Ukrayna ordusunun xüsusi hərbi maşın məhv edilib".
Hazırda cəbhə xəttində gərgin vəziyyətin hökm sürdüyü bir vaxtda görəsən, hansı ölkə qələbəyə daha yaxındır? İndi hamını bu sual düşündürür.
Qeyd edək ki, müharibənin nəticəsini proqnozlaşdırmaq kifayət qədər çətindir və bir çox faktorlardan asılıdır. Rusiya-Ukrayna müharibəsinə çoxsaylı beynəlxalq münasibətlər, hərbi strategiyalar, siyasi amillər və yerli dinamika təsir edir.
Döyüşün nəticəsinə təsir edən amillər bunlardır:
Hərbi güc: Həm Rusiyanın, həm də Ukraynanın hərbi qüvvələri və imkanları müharibənin nəticələrinə təsir edir. Bununla belə, Rusiyanın hərbi gücü Ukraynadan daha böyük və daha inkişaf etmiş görünür.
Beynəlxalq dəstək: Beynəlxalq ictimaiyyətin, xüsusilə Qərbin və NATO-nun Ukraynaya dəstəyi müharibənin gedişatına təsir edə bilər. Zelenski ötən gün verdiyi açıqlamada ,NATO-nun Ukraynaya 100 milyard avroluq özəl bir mbüdcə formalaşdıra biləcəyini vurğuladı.
Eyni şəkildə Rusiyanın beynəlxalq dəstəyi və müttəfiqləri də mühüm rol oynaya bilər. Xüsusilə Çinin müharibənin ilk günündən bəri sanksiyalara qoşulmaması, Qərbin yasaqladığı texnolji məhsulları Rusiya üçün təmin etməsi və Rusiya neftrinin əsas alıcısı qismində çıxış etməsi Moskvanı ciddi bir böhrandan xilas etdi.
İqtisadi amillər: İqtisadi qaynaqlar müharibənin nə qədər davam edəcəyinə və tərəflərin dözümlülüyünə təsir edir. Burada Rusiyanın daha böyük iqtisadi potensiala malik olduğunu deyə bilərik. Lakin beynəlxalq sanksiyalar və iqtisadi təzyiqlər bu vəziyyətə təsir edə bilər. Hələki ciddi bir çöküş görünmür, ancaq zamanla iqtisadiyyat daxildən çökməyə davam edəcək ki, Qərbin də əsas məqsədi budur.
Yerli vəziyyət: Ukraynanın şərqindəki rusiyayönlü separatçı bölgələrdəki vəziyyət müharibənin gedişinə əhəmiyyətli dərəcədə təsir edə bilər. Ukrayna hökumətinin və cəmiyyətinin müharibəyə müqavimət və dəstək səviyyəsi də vacibdir. Eləcə də Rusiyada müharibə əleyhinə olanların sayı artır. Ancaq Putinin yenicə təkrar prezident seçildiyini nəzərə alsaq, bu etirazların bir nəticə verməyəcəyini deyə bilərik.
Diplomatik səylər: Diplomatik təşəbbüslər və sülh danışıqları müharibənin nəticələrinə təsir edə bilər və sülh yolu ilə həll tapmağa kömək edə bilər. Bu amillərin mürəkkəbliyi və qarşılıqlı təsiri səbəbindən hansı tərəfin qələbəyə daha yaxın olduğunu müəyyən etmək çətindir. Lakin beynəlxalq ictimaiyyət ümumilikdə hesab edir ki, böhranın sülh yolu ilə, diplomatik yollarla həlli ən arzuolunan nəticədir.
Nərgiz,
Sitat.info
