AZ

Müharibədən qaçan ruslar Rusiyaya geri qayıdır 

2022-ci ilin fevralında Rusiya-Ukrayna müharibəsinin başlaması yüzminlərlə Rusiya vətəndaşının ölkəni tərk etməsinə səbəb olub. 


Sfera.az “Bloomberg”ə istinadən xəbər verir ki, ölkəni tərk edən vətəndaşların bir çoxu son aylarda geri qayıdır. 


Nəşrin gəldiyi qənaətə görə, müharibədən qaçan rusların geri dönməsi Rusiya iqtisadiyyatının inkişafını dəstəkləyir, əlavə dəyərin artmasını sürətləndirir. 


Qeyd edək ki, müharibəyə görə Rusiyanı tərk edənlərin əksəriyyəti yüksək səviyyəli mütəxəsislər, ixtisaslı kadrlar idi.


Həmin şəxslərin bir hissəsi xaricdə özlərinə münasib yaşayış imkanı qazansa da, əksəriyyəti yaşamaq icazəsi, iş və bankçılıqla bağlı problemlərlə üzləşib, ayrı-seçkiliyə məruz qalıb.


“Bloomberg”in hesablamasına görə, 2022-ci ildə Rusiyanı müharibə səbəbilə bir milyon insan tərk edib. Həmin insanlar arasında geri qayıdanların sayı artır. Moskvadakı “Finion” adlı köçürmə şirkətinin rəhbəri Vyaçeslav Kartamışev 2022-ci ildə Rusiyanı tərk edənlərin təxminən 40-45 faizinin geri qayıtdığını iddia edib.


Tədqiqatçı Tatyana Stanovaya isə bildirib ki, xaricdə yaxşı münasibət görməyib geri dönənlərin sayının artması Vladimir Putinin təbliğat imkanlarını artırıb. Putin geriqayıdış faktından Qərbdə rusofobiyanın sübutu kimi fəal şəkildə istifadə edir. 


Xatırladaq ki, 2023-cü ildə Rusiya iqtisadiyyatında 3,6 faizlik artım qeydə almışdı. “Bloomberg”in hesablamalarına görə, bunun təxminən 30 faizi geri dönüşün təsiri ilə baş verib. Bu fakt Rusiyadan kapital axınının da azalacağını göstərir. 2022 və 2023-cü illərdə Rusiyadan kapital axını böyük olub və bundan qonşu ölkələr faydalanıb. “Bloomberg” bu prosesin əks yöndə dəyişə biləcəyini istisna etmir.  


Vasif

Seçilən
142
3
Mənbələr
Şərh ()
Bağla